ba ta bem - (Claudício)

bem, ba ta bem
mas ka bu para
ba ta bem ta sacudi
moda balei ku midjo dento
ki ta djorombo sem para

bem ba ta bem
ka bu para
moda cintura ku si pano
ki ta tremé t pano largal

bem. ba ta bem sem para
moda ondas
ki ta beja rotxa
moda sol
ki ta furta noite
pa ka dexam roubau na sonhos

bem, ba ta bem
mas ka bu fica longe
moda horizonte
nha mon ta cria chaga d tant ganda pegal
bem ka bu para...